Archtop Nylon Jazz

Gitarra hau Jazz Archtop estandarra baino ttipiagoa da, oso erosoa da eserita edo zutik zaudenean jotzeko.
Egurraren alde, Libanoko zedroa aukeratu dut kutxarako, dentsitate eta kolore aldetik Espainiako altzifrearen antzekoa, baina berotasuna eta eztia ematen dio soinuari, soinu apalak oso biribilekin, eta soinu erantzun ez hain oldarkorra. Mahaiarendako, Englemann izeia nahi nuen, bere goxotasunagatik eta berehalako erantzunagatik. Tekla ebanozkoa da, eta latoizko arrasto diskretuak ditu. Ebanozko astoa dilindan da, mahaiaren malgutasun egokia ahalbidetzeko eta haren durundia bultzatzeko.
Estetika orokorraren alde, hemen itxura arin pertsonalago bat baieztatzen saiatu naiz, mahaian lauburu bat ebakiz eta entzumen bakar bat atxikiz. Guztia ebano sare diskretu baten bidez nabarmentzen da, gitarraren lerroak azpimarratuz. Kordiera eta astoak, instrumentuaren arintasun inpresio hori gordetzeko moduan landuak dira.